‘एक तिची गोष्ट’ नाटकाचा प्रीमियर सोहळा उत्साहात, उत्तम अभिनय अन् नृत्याची अदाकारी..

Entertainment News : ‘एक तिची गोष्ट’ नृत्यनाट्याचा शानदार प्रिमियर सोहळा रविंद्र नाट्य मंदिर येथे (Ek Tichi Goshta) नुकताच पार पडला. सिनेनाट्य, राजकारण, साहित्य, उद्योग व सामाजिक क्षेत्रातील अनेक मान्यवर यावेळी आवर्जून उपस्थित होते. ‘मधुसूदन कालेलकर प्रोडक्शन्स’ या निर्मिती संस्थेने, ‘थिएटरऑन एंटरटेनमेंट’ आणि ‘पीएसडीजी स्टुडिओज प्रोडक्शन’ यांच्या साथीने ‘एक तिची गोष्ट’ रंगमंचावर आणली आहे.

ज्येष्ठ लेखक कै.मधुसूदन कालेलकर यांचा वारसा समर्थपणे पुढे नेत गौरी कालेलकर-चौधरी आणि सिद्धेश चौधरी यांनी ‘मधुसूदन कालेलकर प्रोडक्शन्स’ या निर्मिती संस्थेची स्थापना केली आहे. संस्थेचे सदस्य परी तेलंग आणि शंतनू तेंडुलकर ह्यांचे सहकार्य यासाठी लाभले आहे.

‘एक तिची गोष्ट’ नाटकाचा शानदार प्रिमियर

‘एक तिची गोष्ट’ नृत्यनाट्याचा शानदार प्रिमियर सोहळा रविंद्र नाट्य मंदिर येथे नुकताच संपन्न झाला. सिनेनाट्य, राजकारण, साहित्य, उद्योग व सामाजिक क्षेत्रातील अनेक मान्यवर यावेळी आवर्जून उपस्थित होते. #EkTichiGoshta #marathidrama pic.twitter.com/NVXYoIMWQ3

— LetsUpp Marathi (@LetsUppMarathi) July 2, 2025

या सृजनशील कलाकृतीचे खास आकर्षण म्हणजे प्रसिद्ध नृत्यदिग्दर्शिका फुलवा खामकर आणि त्यांची मुलगी आस्मा खामकर यांच्या संगीत, अभिनय, नृत्याची बहारदार अदाकारी रसिकांना अनुभवायला मिळणार आहे. या दोघींसोबत अभिनेता ओंकार गोखले या नाटकात आहे. याचे लेखन अभिनेता विराजस कुलकर्णी तर सूरज पारसनीस, विराजस कुलकर्णी यांनी दिग्दर्शन केले आहे.

आर्यन्स सन्मान चित्रपट-नाटक 2025’ पुरस्कार सोहळ्याची घोषणा, सिने-नाट्य विश्वातील गुणवंतांचे कौतुक

‘एक तिची गोष्ट’ या नावावरूनच हे नाटक काहीतरी निराळं असणार याची कल्पना येत असली तरी त्याचे सादरीकरण नक्कीच वैशिष्ट्यपूर्ण ठरले आहे. ‘एक तिची गोष्ट’ च्या संपूर्ण टीमचं सध्या नाट्यरसिकांकडून कौतुक होतयं. अचाट, अफाट उर्जा असलेल्या या नाटकाचा हा रंग उत्तरोत्तर असाच चढेल हे निश्चित.

आर्या आंबेकर, वैशाली सामंत, ऋषिकेश रानडे यांनी यातील गाणी स्वरबद्ध केली आहेत. संगीत निषाद गोलांब्रे यांचे आहे. चाळीशीतली अनया आणि तिच्या आयुष्यात आलेली एक किशोरवयीन मुलगी या दोघींच्या भावविश्वातून या नृत्यनाटिकेची कथा उलगडते. मनमोहक नृत्य त्याला अर्थपूर्ण संगीताची आणि उत्तम अभिनय, निवेदनाची जोड मिळाल्यावर उभी राहणारी कलाकृती आनंदाची अनुभूती देऊन जाते. हीच अनुभूती एक तिची गोष्ट या नाटकाच्या माध्यमातून नाट्य रसिकांना मिळणार आहे.

21 वर्षांनी पुन्हा रंगभूमीवर दिसणार सचिन खेडेकर, चंद्रकांत कुलकर्णी दिग्दर्शित नाटकात मुख्य भूमिकेत

संबंधित बातम्या